اسلام آباد ۔ 23 جون(اے پی پی) وزیر داخلہ چوہدری نثار علی خان پہلی جولائی توں پورے ملک اچ کمپیوٹرائزڈ قومی شناختی کارڈ دی ولا تصدیق شروع کرنڑ دی اخیری منظوری ڈے ڈتی اے۔ایں بارے خمیس کوں وزیر داخلہ دی صدات اچ اجلاس تھیا جئیں اچ سیکرٹری داخلہ، نیشنل کوآرڈینیٹر نیکٹا، چیئرمین نادر اتے بئے اعلیٰ حکام شریک تھیے۔وزیر داخلہ کوں ڈسایا گئیا جو نادرا ہک ہیلپ لائن بنڑائی اے جتھاں روز 10ہزار کالاں اتے ایس ایم ایس گیٹ وے تے ہک لکھ 50ہزار ایس ایم ایس روز گھدے ویسن جتھاں لوک انڑ جانڑوں لوکاں کوں شناختی کارڈ کارڈ جاری کیتے ونجنڑ بارے رپورٹ کر سگسن ۔وزیر داخلہ کوں ڈسایا گئیا جو قومی شناختی کارڈ دی نویں سروں تصدیق دہ مہم کیتے ضروری انسانی وسائل دی تربیت پوری تھی گئی اے ۔اتھاں اے گالھ اہم اے جو وزیر داخلہ چوہدری نثار علی خان نادرا کوں شناختی کارڈ دی ولا تصدیق سانگے چھی مہینیاں دا ویلھا ڈتا ہئی اتے اینکوں قومی سلامتی بارے بہوں اہم آکھیا ہئی ۔وزیر داخلہ آکھیا جو نادارا بلاک کیتے گئے قومی شناختی کارڈاں دے سارے مقدمیاں کوں نبیڑنڑ سانگے ٹائم لائن ڈیوے۔وزیر داخلہ ایں موقع تے عوام اچ آگاہی سانگے نادار دی میڈیا سٹریٹجک دی وی منظوری ڈتی۔
