اسلام آباد ۔ 3 جون (اے پی پی) پاکستان کرکٹ ٹیم دے سابق کپتان اتے سوئنگ دے سلطان وسیم اکرم دی 50 ویں سالگرہ جمعہ کوں منائی گئی۔ دنیا دے عظیم کرکٹر وسیم اکرم 3 جون 1966ءکوں لاہور وچ پیدا تھئے۔ 80 دی دہائی وچ انہاں اپنرا کرکٹ کیرئیر شروع کیتااتے 2003ءوچ کرکٹ کوں خیر باد آکھیا۔ اوہ 19 سالاں دے کیرئیر دے دوران سوئنگ دے سلطان رہے۔ 1992ءوچ ورلڈ کپ جیتنڑ آلی کرکٹ ٹیم دا حصہ وی رہے۔ انہاں دے مداحواں انہاں دی سالگرہ تے انہاں سانگے نیک خواہشات دا اظہار کیتا ہے اتے انہاں کیتے لمبی عمر دیاں دعاواں کیتیاں۔
