تاشقند/اسلام آباد ۔ 24 جون(اے پی پی)پاکستان اتے افغانستان دا ڈو پاسہ مسئلیاں تے مشورے اتے تعاون سانگے اعلیٰ سطح دا طریقہ کار وضع کرنڑ تے اتفاق کیتے۔اے فیصلہ جمعہ کوں ازبکستان دے دارالحکومت تاشقنداچ شنگھائی تعاون تنظیم دے اجلاس دے موقع پر مشیر خارجہ سرتاج عزیز اتے افغان وزیر خارجہ صلاح الدین ربانی وچال تھیا۔افغان نیشنل سیکورٹی دے مشیر حنیف اتما ر وی ایں موقع تے موجود ہن ۔دفتر خارجہ دے ترجمان دے مطابق ملاقات دے بعد جاری کیتے گئے سانجھے اعلامیے اچ ڈوہاں فریقاں 20جون کوں اسلام آباد اچ افغان نائب وزیر خارجہ تے مشیر خارجہ وچال گالھ مہاڑ دی روشنی اچ سکیورٹی سمیت ڈو پاسہ تعلقات تے تعاون بارے اہم معاملاٰں تے مشورے سانگے اعلیٰ سطح تے ڈو پاسہ میکنزم تے اتفاق کر گھدا۔۔ مجوزہ طریقہ کاردی سربراہی سرتاج عزیز اتے افغان وزیر خارجہ سانجھے طور کریسن ۔طریقہ کار دے تحٹ سانجھے تکنیکی ورکنگ گروپ ڈوہاں ملکاں دے تحفظات دور کریسی۔
