تاشقند ۔ 23 جون(اے پی پی) صدرمملکت ممنون حسین اتے چینی صدر شی جن پنگ ایں عز م دا اعادہ کیتا ہے جو پاکستان تے چین علاقائی سلاتمی اتے عالمی امن سانگے رل تے کم کریسن ،ڈوہیں ملکاں دے دوست اتے دشمن سانجھے ہن تے او دہشت گردی انتہا پسندی اتے علیحدگی پسندی دے رحجانات دے خلاف ہک ڈوجھے دے نال تعاون جاری رکھیسن ۔ڈوہیں رہنماواں وچال اے اتفاق رائے تاشقند اچ ملاقات دے دوران سامنڑے آیا ۔ایں موقع تے ڈوہیں ملکاں دے وفد وی موجود ہن ۔صدر مملکت دی معاونت مشیر خارجہ سرتاج عزیز ،سیکرٹری خارجہ اتے بئے اعلیٰ حکام کیتی جڈاںجو چینی وفد اچ وزیر خارجہ وانگ ہی ،تجارت گاﺅ ہو چینگ اتے بئے اعلیٰ حکام شامل ہن ۔چین دے صدر شی جن پنگ ایں موقع تے خطے ،خاص طور،افغانستان اچ امن سانگے پاکستان دیاں کوششاں دی تعریف کیتی ۔چین دے صدر شنگھائی تعاون تنظیم کا رکن بڑنڑسانگے میمورنڈم آف او بلی گیشن تے دستخط کرنڑ تے صدر مملکت کو ں مبارخ باد ڈتی اتے توقع ظاہر کیتی جو پاکستان ایں تنظیم دا رکن بنڑ تے خطے دی ترقی سانگے فعال کردار ادا کریسی ۔سیکر ٹری خارجہ اعزاز چوہدری اے پی پی کوں ڈسایا جو ملاقات اچ اقتصادی اتے دفاعی شعبے سمیت ڈو پاسے دلچسپی دے امور تے خاص طور تے پاکستان نیو کلیئر سپلائرز گروپ اچ شمولیت تے گالھ مہاڑ تھی۔انہاں آکھیا جو صدر ممنون حسین نیو کلیئر سپلائر گروپ اچ پاکستان دی شمولیت دی حمایت تے چینی صدر شی جن پنگ دا شکریہ ادا کریندے ہوئیں آکھیا جو نیو کلیئر سپلائرز گروپ اچ وی پاکستان تے بھارت کوں ہکے ویلھے رکن بنڑنڑاں چاہیدے ۔انہاں آکھیا جو پاکستان تے چین دے دوست اتے دشمن سانجھے ہن ،ڈوہیں ملکاں دہشت گردی تے انتہا پسندی دے خلاف رل تے لڑنڑ تے اتفاق کیتا ۔
