اسلام آباد ۔ 9 جون(اے پی پی) چین اتے پاکستان وچال پولیس دی استعداد کار ودھاونڑ متعلق معاہدہ تھی گیا ہے ۔معاہدے دے تحت چین پاکستان کوں 425پولیس گاڈیان اتے 80ایمبولینس اتے بئے آلات ڈیسی ایں سلسلے اچ خمیس کوں اتھاں معاہدے دی دستاویز تے چینی سفیر سن وی ڈونگ اتے سیکرٹری اقتصادی امور ڈویژن طارق باجوہ دستخط کیتے ،وفاقی وزیر خزانہ سینیٹر اسحاق ڈار وی تقریب اچ شریک ہن ۔ایں موقع تے وزیر خزانہ میڈیا کوں ڈسایا جو چین دے صدر گزریل سال اپنڑے دورے دے دوران پاکستان اچ سامان تحفے دے طور تے اعلان کیتا ہا جیں اچ چین ولوں 42پولیس دیاں گاڈیا تے 80ایمبولینس اتے بئے آلات پاکستان پاکستان پجا ڈتے گے ہن ۔ایں موقع تے چینی سفیر تقریب دے شرکاءکوں رمضان شریف دی مبارخ باد ڈتی ۔تقریب ا چ چینی سفیر پاکستان کوں مخت ڈتیاں گیاں گاڈیاں دی علامتی چابی وزیر خزانہ کوں پیش کیتی ۔
