پاکستان پڑوشی ملکاں نال چنگے تعلقات چاہندے،ملکی سالمیت تے کہیں قسم دا سمجھوتہ کائنا کیتا ویسی، وزیر مملکت عابد شیر علی

اسلام آباد ۔ 20 جون(اے پی پی) پانڑی تے بجلی دے وزیر مملکت عابد شیر علی آکھیا جو پاکستان پڑوشی ملکاں نال چنگے تعلقات چاہندے،ملکی سالمیت تے کہیں قسم دا سمجھوتہ کائنا کیتا ویسی،جیل دے اندر ویڈیو منظر عام تے گھن آونڑ آلیاں دے خلاف تحقیقات کیتی ویسی۔سوموار کوں پارلیمنٹ ہائوس دے باہر میڈیا نال گالھ مہاڑ کریندیں ہوئیں انہاں آکھیا جو اساں کڈاہیں وی آپنڑے ہمسایہ ملکاں نال کشیدگی دے حق اچ کائننی۔اگر کوئی پڑوسی ملک اساڈی سرحداں دی خلاف ورزی کریندا پئے تاں پاکستان وی ملکی سالمیت تے کوئی سمجھوتہ کائنا کریسی۔