پاکستان کا میاب سفارتکاری نال اگوں ودھدا پئے ،اے تاثر ٹھیک کائنی جو پاکستان کلھا تھیندا پئے ، ،وزیرا عظم دے مشیر برائے خارجہ امور سرتاج عزیز دا قومی اسمبلی اچ وزارت خارجہ دے مطالبات زر تے اپوزیشن ولوں کٹوتی دی تحاریک تے بحث نبڑیندیں ہوئیں گالھ مہاڑ

اسلام آباد ۔21جون(اے پی پی ) وزیراعظم دے مشیر برائے خارجہ امور سرتاج عزیزآکھیا جو پاکستان کا میاب سفارتکاری نال اگوں ودھدا پئے ،اے تاثر ٹھیک کائنی جو پاکستان کلھا تھیندا پئے ،پاکستان تے اعتماد اتے مستحکم ملک اے،ساکوں جیوپولیٹیکل تبدیلیاں کوں ڈیکھدیں ہوئیں خارجہ پالیسی کوں ودھاونڑاں پمسی،مودی دے دوریاں نال کوئی فرق نی پمدا،عالم اسلام دے نال اساڈے تریخی،مذہبی اتے تمدنی رشتے برقرار رہسن۔منگل کوں قومی اسمبلی اچ وزارت خارجہ دے مطالبات زر تے اپوزیشن ولوں کٹوتی دی تحاریک تے بحث نبڑیندیں ہوئیں گالھ مہاڑ کریندیں ہوئیں انہاں آکھیا جو وزارت خارجہ دا گزریل سال دے مقابلے اچ بجٹ اچ ودھارا صرف11فیصد اے۔اساں غیر ضروری مطالبات زر کائنی کیتے۔سفارتخانیاں دی کاکردگی اتے کمیونٹی سروسز دی گزریل ترائے سالیں اچ بہتری آئی اے ،سفارتخانیاں اچ نادرا پاسپورٹ اتے شناختی کارڈ دی سہولیات آ چکی ہن ۔آن لائن درخواستاں وی ڈتی ونج سگدی ہن ۔انہاں آکھیا جو ایران نال تعلقات وی چنگے پاسے ویندے پئن ۔انہاں آکھیا جو پاکستان دی فوج وڈی بہادری نال فاٹا اچ رٹ قائم کیتی اے ایں مقصد اوں ویلھے تئیں پورا کائنا تھیسی جڈاں تئیں افغانستان نال بارڈر منیجمنٹ کائنا کریسوں۔انہاں آرٹیکل 92تے93دا حوالہ ڈیندیں ہوئیں آکھیا جو وزیر اعظم کوں مشیر اتے معاون مقرر کرنڑ دا اختیار حاصل اے۔