پاکستان کوسٹ گارڈ ز غیرقنونی طور تے پاک ایران سرحد پار کرنڑ آلے 53لوکاں کوں گرفتار کرتے ایف آئی اے دے حوالے کر ڈتا

کراچی ۔ 13 جون (اے پی پی) پاکستان کوسٹ گارڈ ز غیر قانونی طور تے پاک ایران سرحد پار کرنڑ آلے 53لوکاں کوں گرفتار کرتے ایف آئی اے دے حوالے کر ڈتا۔ پاکستان کوسٹ گارڈ ترجمان دے مطابق بلوچستان دے علاقے چیک نیلنٹ شاہجہان روڈ تے مختلف گاڈیاں دی چیکنگ دے دوران 53لوکاں کوں گرفتار کیتا گیا ہے جنہاں اچوں 2دا تعلق افغانستان اتے 51پاکستانی شہری ہن جیرھے جو غیر قنونی طور تے سرحد پار کرتے ایران ونجنڑ چاہندے ہن ۔پاکستان کوسٹ گارڈ دے اہلکاراں ابتدائی تفتیش دے بعد انہاں لوکاں کوں ایف آئی اے دے حوالے کر ڈتا ۔ترجمان دے مطابق اپریشن ضرب عضب دے بعد پاکستان کوسٹ گارڈ اپنڑے ذمے واری دے علاقیں اچ گشت اتے چیکنگ اچ وادھا کر ڈتا ہے ۔