اسلام آباد ۔ 20 جون(اے پی پی) وزیر داخلہ چوہدری نثار علی خان’ بھارتی وزیرِخارجہ سشما سوراج دے گزریل ڈینھ دے بیان تے آپنڑے ردعمل اچ آکھیا جو پاک بھارت تعلقات بارے بھارتی وزیر خارجہ دا بیان حیران کن اے،وزیر اعظم پاکستان دے کہیں وی ملک یا کہیں سربراہ حکومت نال تعلقات پاکستان دے فائدے نال جڑیے ہن ،بھارتی وزیر خارجہ ولوں انہاں ذاتی رنگ ڈیونڑ کہیں طور مناسب کائنی۔انہاں آکھیا جو اے وضاحت کرنڑی چاہیدی ہئی جو انہاں دت نیڑے او کیڑھی طاقتاں ہن جیڑھی جو پاکستان اتے بھارت اچ تعلقات دی بحالی نی چاہندی۔وزیر داخلہ آکھیا جو اساڈے نیڑے پاکستان اتے بھارت وچال تعلقات کوں معمول تے گھن آونڑ اچ ساریاں توں وڈی رکاوٹ آر ایس ایس، ابھی ناو بھارت، شیو سینا جیہی ہندو انتہاء پسند تنظیمیں ہن اتے انہاں دے بھارت دی حکومت نال تعلقات اتے اثرورسوخ اے۔انہاں آکھیا جو اگر بھارت دی حکومت تعلقات دی بحالی اچ سنجیدہ اے تاں کیا وجہ اے جو اوں مذاکرات دے دروازت اتنے عرصے توں بند کیتے ہوئیے ہن ؟ وزیرِداخلہ چوہدری نثار علی خان آکھیا جو جتھاں تئیں پاکستان بارے بھارتی حکومت دا تعلق اے اوندی پاکستان دوستی دی پالیسی تاں مودی صاحب دی ایں تقریر توں نشابر تھی گئی ہئی جو انہاں امریکی کانگریس اچ آکھی ہئی ۔
