اسلام آباد ۔ 3 جون (اے پی پی) وفاقی وزیر تجارت انجینئر خرم دستگیر خان پیرس وچ تھیونڑ آلے ڈبلیو ٹی او دے وزارتی اجلاس وچ پاکستان دی نمائندگی کیتی ، ڈبلیو ٹی او دا ایہ مختصر وزارتی اجلاس معاشی اتے اقتصادی تعاون دی تنظیم دے سالانہ وزارتی اجلاس دے موقع تے تھیا۔ اجلاس نال خطاب کریندے ہوئیںوفاقی وزیر زراعت اتے ای کامرس توں متعلق عالمی قنوناں تے پاکستان داموقف پیش کیتا۔ انہاں آکھیا جو زراعت پاکستان دی معیشت سانگے ریڑھ دی ہڈی دی حیثیت رکھیندی ہے، زراعت دے شعبے وچ حکومتی امداد، مارکیٹ تئیںرسائی اتے کپاہ توںمتعلق عالمی اداریاں وچ تھیونڑ آلی گالھ مہاڑ دا پاکستان غور نال جائزہ گھندے کیونجو ایندے اثرات براہ راست پاکستان دی زرعی معیشت اتے20 کروڑ عوام تے پوندن۔ وفاقی وزیر دا آکھنڑ ہا جو انفارمیشن ٹیکنالوجی دے ایں دور وچ ڈبلیو ٹی او کوں ای کامرس دی ترویج تے توجہ ڈیونڑیں چاہیدی ہے ۔ایں سلسلے وچ ترقی پذیر ملکاں ای کامرس دے فروغ اتے قنوناں دے اجراءسانگے تکنیکی مہارت وی فراہم کرنڑ چاہیدی ہے۔ وفاقی وزیر اجلاس وچ شرکت سانگے آئے ترکی دے نائب وزیر برائے معیشت فتح متین نال وی ملاقات کیتی اتے ڈوطرفہ تجارتی تعاون اتے آزاد تجارتی معاہدے تے مذاکرات تے پیش رفت تے گالھ مہاڑ تھی ۔
