اسلام آباد ۔ 2 جون (اے پی پی) مشیر خارجہ سرتاج عزیز آکھیا جو ڈرون حملے اساڈی ملکی خود مختاری اتے بین الاقوامی قوانین دی خلاف ورزی ہن۔حکومت بین الاقوامی سطح تے اے معاملہ چاتے۔نویں امیر دے انتخاب سانگے طالبان شوریٰ دا اجلاس پاکستان اچ کائنی تھیا،ملا عمر دی ہلاکت نال امن دے عمل کوں دھچکا آئے۔فوجی آپریشن نال افغانستان اچ امن قائم نی تھی سگدا۔ملکی خود مختاری اتے سالمیت دا دفاع کریسوں۔خمیس کوں ایوان بالا دے اجلاس اچ سینیٹر فرحت اللہ بابر دی تحریک التواء تے بحث نبڑیندیں ہوئیں مشیر خارجہ سرتاج عزیز آکھیا جو اے تاثر جو ڈرون حملہ تے خاموشی اہے اے غلط اے،حملے دے اگلے ڈینھ ای وزارت خارجہ مشورے دے بعد پریس نوٹ جاری کیتے ۔امریکی سفیر کوں سڈ تے احتجاج کیتا اتے ڈسایا جو اے بین الاقوامی قانون دی خلاف ورزی اے۔اتے بعد اچ تفصیلی پریس بریفنگ جاری کیتی گئی ۔گزریل ڈاہ سالیں اچ 400حملے تھین ۔2013ء اچ 48حملے تھین ۔2015ء اچ صرف یارھاں اتے ایں سال ترائے تھین ۔جعلی شناختی کارڈ اتے پاسپورٹ بارے وزارت داخلہ کم کریندی پئی اے۔
