ڈو ہزار 20تئیں عمرہ کرنڑ آلیں دی تعداد اچ 30فیصد ودھارا متوقع

ریاض ۔ 10 جون(اے پی پی) سعودی عرب دے وژن 2030ءدے تحت قومی تبدیلی دے پروگرام 2020دے مطابق عازمین حج دی سالانہ تعداد اچ 13فیصد اتے عمرہ زائرین دی تعداد اچ 30فیصد ودھارا متوقع ہے ۔قومی تبدیلی دے پروگرام دے مطابق سعودی عرب اچ اندرلے تے باہرلے ملکاں توں 2020تئیں حاجیاں دی تعداد ودھ تے 25لکھ تھیونڑ دی توقع ہے ۔اینویں ہی سالانہ 13فیصد ودھارا تھیسی ۔گزریل سال باہر لے ملکاں توں آونڑ آلے حاجیاں دی تعداد 15لکھ رہی ہئی ۔سعودی وزارت حج تے عمرہ دے ترجمان حاتم القادی آکھای جو حاجیاں دی تعداد اچ سالانہ ودھارے اچ پوری دنیاتوں آونڑ آلے حاجی شامل ہوسن ۔وزارت حج نجی کمپنیاں دے نال رل تے انہاں حاجیاں دی رہائش اتے ڈیکھ بھال دا بندوبست کریسی ۔انھاں آکھیا جو وزارت سارا سال حاجیاں اتے زائرین عمرہ اتے مسیت نبوی دی زیارت سانگے آونڑ آلے فرزندان توحید دیاں خذمتاں اچ مصروف رہندی ہے ۔انھاں ڈسایا جو 2020تئیں ہک کروڑ 50لکھ عمرہ زائرین سعودی مملکت اچ امسن ۔ایں طرح موجودہ سالانہ 60لکھ تعداد اچ 30فیصد ودھارا تھیسی ۔