اسلام آباد ۔ 13 جون (اے پی پی) مشیر خارجہ سرتاج عزیز آکھیا جو گوادر دی افادیت چاہ بہار توں ودھ اے،چین آپنڑی تجارت ایں بندرگاہ نال کریسی تاں ایں بندرگاہ کوں بہوں ترقی ملسی،اساں چاہ بہار اتے گوادر بندرگاہ کوں سسٹر بندرگاہواں قرارڈیونڑ بارے ہک ایم او یو تے دستخط کیتن،انہاں وچال ریلوے لنک دی تجویز اے،پاکستان ایران توں پابندیاں ہٹنڑ دے بعد اقتصادی تعلقات دے ودھارے سانگے کوشاں اے،پاکستان بھارتی وزیر اعظم دے امریکی کانگریس توں پاکستان دے خلاف خطاب دا چنگا تدارک کیتے،”را” دی پاکستان اچ سرگرمیاں دے شواہد بنڑیندے پیسے،نیو کلیئر سپلائر گروپ اچ شمولیت سانگے بھارت کوں استثنیٰ کائنا ملسی۔سونوار کوں ایوان بالا اچ سینیٹر عتیق شیخ دے تحریک التواء تے بحث نبڑیندیں ہوئیں مشیر خارجہ ایں تاثر کوں بے بنیاد آکھیا جو گوادر دی ترقی دا کم ہولے تھیندا پئے ۔انہاں آکھیا جو گزریل ہک سال وچال ایں بارے کافی کم تھیے۔انہاں آکھیا جو اگر چین آپنڑی تجارت دا 10فیصد وی گوادر دے ذریعے منتقل کرے تاں اونکوں بہوں ترقی ملسی۔انہاں آکھیا جو رپورٹس دے مطابق چین آپنڑے جنوبی صوبے سانگے تیل دی درآمدات دا17فیصد گوادر توں منگواونڑ دا منصوبہ رکھیندے جئیں نال گوادر کوں بہوں فروغ ملسی۔سرتاج عزیز آکھیا جو پاکستان خطے دے ملکاں نال فزیکل رابطیاں تے توجہ ڈیندا پئے ۔ایں بارے انہاں کاسا1000،تاپی،سی پیک،کرغزستان اتے تاجکستان تئیں توسیع،افغانستان نال سڑک تے رابطیاں ،ایران نال اپ گریڈیشن دا حوالہ ڈتا۔بھارت اتے امریکہ وے ودھدے ہوئے تعلقات بارے انہاں آکھیا جو ایں دے پچھوں جیو پولیٹیکل فیکٹرز بالخصوص چین دے نال ودھدے ہوئے اثر کوں روکنڑ دی امریکہ پالیسی اے جئیں اچ بھارت فٹ باہندے۔انہاں آکھیا جو بھارتی وزیر اعظم مودی دا امریکی کانگریس نال خطاب پاکستان دے خلاف ہا اتے اساں اوندا موثر تدارک کیتے اتے ایں بارے بئے اقدامات کریسوں۔
