ہارڈ شپ کیس تے 612 اچوں 177 دوائیں دیاں قیمتاں اچ ودھارا کیتا گیا وزیر مملکت نیشنل ہیلتھ ریگولیشنز سائرہ افضل تارڑ دا ایوان بالا اچ توجہ ڈیواﺅ نوٹس تے جواب

اسلام آباد ۔ 7 جون (اے پی پی) وزیر مملکت نیشنل ہیلتھ ریگولیشنز سائرہ افضل تارڑآکھیا جو ہارڈ شپ کیس تے 612 اچوں 177 دوائیں دیاں قیمتاں اچ ودھارا کیتا گیا ۔منگل کوں ایوان بالا اچ سینیٹرعتیق شیخ دے توجہ ڈیواﺅ نوٹس دا جواب ڈیندے ہوئیں وزیر مملکت آکھیا جو ہارڈ شپ کیساں تے عدالت دے حکم کوں سامنڑے رکھیندے ہوئیں 612اچوں177دوائیں دیاں قیمتاں اچ ودھا رے دا فیصلہ کیتا گیا ۔2011توں ہارڈ شپ کیس زیر التوا ہن جڈاں توں ڈرگ ریگولیٹری اتھارٹی آف پاکستان (ڈرپ) بنڑی ہے تاں انہاں دوائیں دیاں قیمتاں اچ ودھارا شفاف طریقہ کار دے تحت کیتا گیا ہے ،ایں توں پہلے شیخ عتیق دوائیاں دیاں قیمتاں اچ 8فیصد ودھارے متعلق ڈرپ دے فیصلے ولوں حکومت دی توجہ ڈیواونڑ سانگے توجہ ڈیواﺅ نوٹس پیش کیتا ۔