پیرس ۔21 جون (اے پی پی) یوئیفا یورو فٹ بال کپ وچ (اج) بدھ کوں چار میچاں دا فیصلہ تھیسی۔ ایں سلسلے وچ پہلا میچ گروپ ڈی دیاں ٹیماں جمہوریہ چیک اتے ترکی وچال کھیڈیا ویسی ، ڈوجھا میچ گروپ ڈی وچ شامل ٹیماں سپین اتے کروشیا وچال کھیڈیا ویسی، تریجھا میچ گروپ ایف وچ شامل ٹیماں آئس لینڈ اتے آسٹریا وچال کھیڈیا ویسی جڈانجو چوتھا میچ گروپ ایف وچ شامل ہنگری اتے پرتگال دیاںٹیماں وچال کھیڈیاویسی۔ یوئیفا یورو فٹ بال کپ 2016ءوچ کانٹے دے مقابلیاں دا سلسلہ جاری ہے جیندے وچ24 ٹیماں ٹائٹل دے حصول سانگے کوشاں ہن۔ تفصیلات دے مطابق ہسپانوی ٹیم مسلسل تریجھی وار ٹائٹل دا دفاع کریسی۔ 10 جولائی تائیں جاری رہونڑ آلے ایں ٹورنامٹ وچ 24 ٹیماں حصہ گھدے جنہاں کوں چھی گروپاں وچ تقسیم کیتا گئے، گروپ اے وچ فرانس، رومانیہ، البانیہ اتے سوئٹزرلینڈ، گروپ بی وچ انگلینڈ، روس، ویلز اتے سلواکیہ، گروپ سی وچ جرمنی یوکرین، پولینڈ اتے نادرن آئرلینڈ، گروپ ڈی وچ سپین، جمہوریہ چیک، ترکی اتے کروشیا، گروپ ای وچ بیلجیئم، اٹلی، جمہوریہ آئرلینڈ اتے سویڈن اتے گروپ ایف وچ پرتگال، آئس لینڈ، آسٹریا اتے ہنگری دیاں ٹیماں شامل ہن۔ ٹورنامنٹ دافائنل 10 جولائی کوں کھیڈیاویسی۔
