پیرس ۔22 جون (اے پی پی) یوئیفا یورو فٹ بال کپ وچ (کل) خمیس کوں ڈو میچاں دا فیصلہ تھیسی۔ ایں سلسلے وچ پہلا میچ گروپ ای دیاں ٹیماں اٹلی اتے آئرلینڈ وچال کھیڈیا ویسی ڈوجھا میچ گروپ ای وچ شامل ٹیماں بیلجیئم اتے سویڈن وچال کھیڈیا ویسی۔ یوئیفا یورو فٹ بال کپ 2016ءوچ کانٹے دار مقابلیاں دا سلسلہ جاری ہے جیندے وچ 24 ٹیماں ٹائٹل دے حصول سانگے کوشاں ہن۔ تفصیلات دے مطابق ہسپانوی ٹیم مسلسل تریجھی وار ٹائٹل دا دفاع کریسی۔ 10 جولائی تائیں جاری رہونڑ آلے ایں ٹورنامٹ وچ 24 ٹیماں حصہ گھندیاں پن جنہاں کوں چھی گروپاں وچ تقسیم کیتا گیا ہے ۔ ٹورنامنٹ دافائنل 10 جولائی کوں کھیڈیا ویسی۔
