یورو فٹ بال چیمپئن شپ2016، فرانس البانیہ کو ں ہرا تے پری کوارٹر فائنل وچ پج گیا

پیرس ۔ 16 جون(اے پی پی) فرانس یورو فٹ بال چیمپئن شپ 2016ءدے پری کوارٹر فائنل وچ پج گئے۔ فرانس دی ٹیم البانیہ کوں ہرا تے چیمپئن شپ دے ٹاپ 16 سانگے کوالیفائی کر گھدا ہے۔ فرانس ولوں جریزمین اتے پایٹ ہک ہک گول کرتے اپنڑی ٹیم دی فتح وچ اہم کردار ادا کیتا۔ فرانس وچ جاری یورو فٹ بال چیمپئن شپ وچ کھیڈے گئے میچ وچ میزبان فرانس اتے البانیہ دیاں ٹیماں آمنڑے سامنڑے ہن جیندے وچ فرانس البانیہ کو ںصفر دے مقابلے وچ ڈو گول توں ہرا ڈتااتے یورو فٹ بال چیمپئن شپ دے ٹاپ 16 سانگے کوالیفائی کرگھدا۔ خمیس کوں کھیدے گئے میچ وچ ہاف توں پہلے ڈوہائیں ٹیماں دفاعی کھیڈ پیش کیتا اتے ہاف تائیں ڈوہائیں ٹیماں وچال مقابلہ بغیر کہیں گول دے برابر ہا۔ ہاف دے بعد فرانس ولوں جریزمین میچ دے 90 ویں منٹ تے گول کرتے اپنڑی ٹیم کوں البانیہ دے خلاف 1-0 دی برتری ڈوائی وادھو ٹائم وچ پایٹ ہک گول کرتے برتری کوں ودھیندے ہوئیں2-0 کرڈتا جیرھی کھیڈ دے چھیکڑ تئیں برقرار رہی اتے ایندے نال فرانس البانیہ کوں 2-0 توں ہرا تے یورو فٹ بال چیمپئن شپ دے پری کوارٹر فائنل مرحلے سانگے کوالیفائی کرگھدا۔