یورو چیمپئن شپ 2016ءوچ ترکی جمہوریہ چیک اتے کروشیا سپین کوں ہرا ڈتا

پیرس ۔ 22 جون (اے پی پی) یورو فٹ بال چیمپئن شپ 2016ءدے ہک اہم میچ وچ ترکی جمہوریہ چیک کو ں اتے کروشیا دی ٹیم ہسپانوی ٹیم کوں ہراڈتا۔ ترکی جمہوریہ چیک دی ٹیم کوں 2-0 توں ہراڈتاجڈانجوکروشیا دی ٹیم سپین کوں ہک دے مقابلے وچ ڈو گول توںہرا ڈتا۔ فرانس وچ یورو ٹائٹل دے حصول سانگے جاری جنگ دے سلسلے وچ کھیڈے گئے پہلے میچ وچ ترکی اتے جمہوریہ چیک دیاںٹیماںآمنڑے سامنڑے ہن ۔ جیندے وچ ترکی دی ٹیم جمہوریہ چیک کو ںآسانی نال 2-0 توں ہرا ڈتا۔ ترکی ولوں پہلا گول یلماز 10ویں منٹ اچ کیتا، ڈوجھا گول طوفان میچ دے65 ویں منٹ وچ کیتا اتے ایویں ترکی جمہوریہ چیک کو ںبآسانی 2-0 توں ہرا ڈتا۔ ڈوجھاا میچ کروشیا اتے سپین دیاں ٹیماں وچال ہا جیرھا زبردست مقابلے دے بعد کروشیا سپین کو ڈو دے مقابلے ہک گول توں ہرا ڈتا۔ کروشیا ولوں کالینک 45 ویں منٹ تے اتے پریسک 87 ویں منٹ تے گول کرتے اپنڑی ٹیم دی فتح وچ اہم کردار ادا کیتا۔ سپین ولوں ہکوگول موراتا کیتاجیرھامیچ دے 7 ویں منٹ وچ کیتاگیا۔