آزاد کشمیر اچ مسلم لیگ ن دی تاریخی فتح عوام دا حکومتی پالیسیاں تے اعتماد دا اظہار ہے ،چوہدری محمد جعفر اقبال

رحیم یار خان۔ 26 جولائی (اے پی پی)مسلم لیگ(ن)پنجاب دے سینئر نائب صدر چوہدری محمد جعفر اقبال آکھیا ہے جو آزاد کشمیر اچ مسلم لیگ ن دی تاریخی فتح عوام دا حکومتی پالیسیاں تے اعتماد دا اظہار ہے،آزاد کشمیر دے نویں منتخب عوامی نمائندے مبارخ باد دے مستحق ہن اتے مسلم لیگ ن دی قیاد اچ میرٹ تے آزاد کشمیر کابینہ دا انتخاب کریسی تاں جو عوام دیاں محرومیاں دا ازالہ کریندے ہوئیں انہاں دے اعتماد دے پورا لتھا ونج سگے ۔انہاں خیالاں دا اظہار انہاں چوہدری محمد اقبال سیکر ٹریٹ رحیم یار خان اچ عوامی نمائندیں دے وفد نال گالھ مہاڑ کریندے ہوئیں کیتا ۔ انہاں آکھیا جو وزیرعظم نواز شریف دی قیادت اچ ملک ترقی تے خوشحالی دے پاسے ٹردا پے ایں ویلھے دا تقاضا ہے جو ساریاں سیاسی جماعتاں ہک مٹھ تھی تے ملک دی خوشحالی تے ترقی دے رستے تے ٹورٹر سانگے حکومت کوں مضبوط کرن ۔