آزاد کشمیر دی عوام 21جولائی کوں شیر تے مہر لا کراہیں دھرنا سیاست کرنڑ آلیاں کوں سنھیا ڈیون جو عوام نواز شریف دی قیادت اچ ترقی تے خوشحالی دا سفر جاری رکھنڑ چاہندی اے، وفاقی وزیر اطلاعات سینیٹر پرویز رشید دادھیرکوٹ اچ مسلم لیگ (ن) حلقہ ایل اے 13 دے امیدوار راجہ افتخار ایوب ولوں تھیونڑ آلی ورکرز ریلی نال خطاب

دھیر کوٹ ۔ 18 جولائی (اے پی پی) وفاقی وزیر اطلاعات، نشریات تے قومی ورثہ سینیٹر پرویز رشید آکھیا جو آزاد کشمیر دی عوام 21جولائی کوں شیر تے مہر لا کراہیں دھرنا سیاست کرنڑ آلیاں کوں سنھیا ڈیون جو عوام نواز شریف دی قیادت اچ ترقی تے خوشحالی دا سفر جاری رکھنڑ چاہندی اے،تبدیلی دھرنیاں نال نی بلکہ پرچی نال امدی اے،مسلم لیگ(ن) ووٹ دی طاقت ہنڑ آزاد کشمیر اچ کامیاب تھیسی،نواز شریف کنے کشمیریاں کوں آزادی ڈواونڑ،بجلی دی گھٹکی دا خاتمہ اتے روزگار ڈیونڑ دا نسخہ ہے پیا،نواز شریف ای ہا جئیں واجپائی کوں لاہور آونڑ تے مجبور کیتا اتے اوں تسلیم کیتا جو امن سانگے کشمیر دا مسئلہ دا حل ضروری اے،اج دھیر کوٹ دی عوام بھجنڑ آلیاں دے سارے رستے بند کر ڈتن،عوام دی خدمت کرنڑ آلیاں توں ایجھا ای انتقام گھدا ونجے ۔اے گالھیں انہاں سونوار کوں دھیرکوٹ اچ مسلم لیگ (ن) حلقہ ایل اے 13 دے امیدوار راجہ افتخار ایوب ولوں تھیونڑ آلی ورکرز ریلی نال خطاب کریندیں ہوئیں آکھی۔