اجوکے مالی سال اچ پاکستانی چاول دی برآمدات اچ ودھارا متوقع ہے،امریکی ادارہ خوراک تے زراعت

اسلام آباد ۔ 22 جولائی (اے پی پی)اجوکے مالی سال 2016-17دے دوران چاول دی برآمدات نال 2ارب ڈالر دا زرمبادلہ کمایا ویسی بلکہ دوران سال 4.5 ملین ٹن چاول دی برآمدات متوقع ہن۔ امریکی ادارہ خوراک تے زراعت اجوکے مالی سال اچ پاکستان دی چاول دی برآمدات اچ ودھارے دی توقع ظاہر کیتی ہے جیں نال برآمدات دا حجم 4.5 ملین ٹن تئیں ودھ ویسی۔ رپورٹ دے مطابق پاکستان کو ںچاول دی برآمدات نال 2 ارب ڈالر دا زرمبادلہ حاصل تھیونڑ دا امکان ہے ۔ رپورٹ اچ اے وی ڈسایا گے جواجوکے سال سعودی عرب تے آذربائیجان پاکستان توں 20 فیصد ودھ چاول درآمد کریسن جیں نال چاول دی ملکی بر آمدات اچ ودھارا متوقع ہے تے تخمینہ ہے جو پاکستان چاول دی برآمدی قیمت 410 ڈالر فی ٹن تئیں رہسی جیں نال قیمتی زرمبادلہ دے حصول اچ مدد ملسی۔