اسلام آباد ۔ 26 جولائی (اے پی پی)اسلام آباد، راولپنڈی سمیت اتلے پنجاب، فاٹا، خیبرپختونخواتے کشمیر اچ کجھ جہیں تے مینھ ڈو ڈینھ تئیں جاری رہنڑ دا امکان ہے ۔پی ٹی وی دی رپوارٹ دے مطابق گزریل 24گھنٹے دے دوران اسلام آباد، راولپنڈی، گوجرانوالہ، لاہور ڈویژن ،کشمیر، مالاکنڈ، ہزارہ، مکران تے میر پور خاص ڈویژن اچ کجھ جہیں تے تکھی ہوا دے نال مینھ وسیا ۔ملک دے بئے علاقیاں اچ موسم گرم تے رکھا رہیا ،گزریل ڈینھ ساریں توں ودھ بارش مری 46ملی میٹر ریکارڈ کیتی گی جڈاں جو ساریں توں ودھ درجہ حرارت نوکنڈی اچ 45ڈگری سینٹی گریڈ ریکارڈ کیتا گیا ۔محکمہ موسمیات دے مطابق آندے 24گھنٹے دے دوران اسلام آباد، راولپنڈی،گوجرانوالہ، لاہور ڈویژن ،کشمیر، مالاکنڈ، ہزارہ، مکران، مالاکنڈ، ہزارہ ڈویژن کشمیر تے گلگت بلتستان اچ تکھی ہوا دے نال اتے کھمنڑ نال مینھ وسنڑ دا امکان ہے ملک دے بئے علاقیاں اچ موسم گرم تے رکھا رہنڑ دا امکان ہے ۔محکمہ موسمیات خبردار کیتا ہے جو آندے ڈو ڈینھ دے دوران موسلا دھار مینھ پاروں پنجاب تے کے پی کے گلگت،کشمیر اچ برساتی ندی نالیں اچ طغیانی اتے پہاڑی علاقیاں اچ لینڈ سلائیڈنگ تھی سگدی ہے ۔
