اسلام آباد ۔ 27 جولائی (اے پی پی)محکمہ موسمیات آندے ڈو ڈینھاں دے دوران اسلام آباد، پنجاب، فاٹا، خیبرپختونخوا اتے کشمیر اچ اکثرجہیں تے بیا مینھ وسنڑ دی پیشنگوئی کیتی ہے جڈانجو کجھ جاہ تے ودھ سارا مینھ وسنڑ داوی امکان ہے۔ رپورٹ دے مطابق ایں دوران گلگت بلتستان، سندھ اتے مشرقی بلوچستان وچ کجھ جہیں تے وی مینھ وسنڑ داامکان ہے۔ موسلادھار مینھ دی وجہ نال پنجاب، خیبرپختونخوا، گلگت بلتستان اتے کشمیر دے برساتی ندی نالاں وچ طغیانی اتے پہاڑی علاقیاں وچ لینڈ سلائیڈ نگ دا خدشہ ہے۔ آوندے 24گھنٹیاں دے دوران اسلام آباد، بالائی پنجاب، بالائی خیبرپختونخوا، فاٹا اتے کشمیروچ اکثر جئیں تے جڈانجوجنوبی پنجاب دے علاوہ ڈی آئی خان، بنوں، ژوب، قلات ، میر پور خاص ڈویژن اتے گلگت بلتستان وچ وی کجھ جئیں تے تریکھی ہواوں/آندھاری اتے کھمنڑ دے نال مینھ اتے سندھ تے مکران دے ساحلی علاقیاں وچ وی کینڑ منڑدا امکان ہے۔ محکمہ موسمیات دے مطابق گزریل24گھنٹیاں دے دوران ملک دے ودھ سارے علاقیاں وچ موسم گرم اتے مرطوب رہیا۔ کشمیروچ کڈاہیں کڈاہیںجڈانجوراولپنڈی، مالاکنڈ، ہزارہ، پشاور، مکران اتے میر پور خاص ڈویژن وچ کجھ جئیں تے تریکھی ہواواں اتے کھمنڑ دے نال مینھ وسیا۔سبھ توں ودھ مینھ مری وچ45 ملی میٹر، چکوال18، جہلم12۔ کاکول38، چراٹ4، مالم جبہ3، راولاکوٹ25، گڑھی دوپٹہ5، مظفر آباد 4، کوٹلی ہک، مٹھی4 اتے پنجگوروچ 2ملی میٹر مینھ ریکارڈ کیتا گئے۔
