اقوام متحدہ ۔ 26 جولائی (اے پی پی) اقوام متحدہ دے سیکرٹری جنرل اتے جنرل اسمبلی دے صدر موگنز لیکٹاف آوندے مہینے برازیل دے شہر ریوڈی جنیرو وچ تھیونڑ آلی اولمپک کھیڈاں دے دوران پوری دنیا وچ جاری پر تشدد کارروائیاں بند کرنڑ دی اپیل کیتی ہے۔ مشترکہ اپیل وچ آکھیا گئے جو اولمپک گیمز دے دوران پر تشدد کارروائیاں بند کرنڑ نال کھیڈاں دے اصل مقصد یعنی جنگ دے میدان دی بجائے کھیڈ دے میدان وچ صحت مند مقابلے دے اصول کوں فروغ ڈیونڑ وچ مدد ملسی۔ انہاں ایں موقع تے امن سانگے اقوام متحدہ دے سابق سفیر اتے عظیم باکسر محمد علی داحوالہ ڈیندے ہوئیں آکھیا جو محمد علی باکسنگ دے پیشے کو ں ودھ توں ودھ لوکاں تائیں اپنڑی گالھ پجاونڑسانگے استعمال کیتا۔ اپیل وچ پوری دنیا دے لوکاں تے ایں گالھ دا زور ڈتا گئے جوتنازعاں اتے پر تشدد کارروائیاں وچ ملوث گروپاں تے اپنڑیاں کارروائیاں ترک کرنڑن سانگے دباﺅ پاونڑ دا آکھیا گئے ۔اپیل وچ انہاں گروپاں توں وی اپیل کیتی گئی ہے جوا وہ اولمپک گیمز دے دوران اپنڑیاں سرگرمیاں معطل کرین۔ قبل ازیں جنرل اسمبلی ایں حوالے نال ہک قرار داد وی منظور کیتی جیندے وچ اقوام متحدہ دے رکن ملکاں کوں آکھیا گئے جو اوہ ریو اولمپکس دے دوران دنیا وچ امن قائم رکھنڑ وچ اپنڑاںبھر پور کردار ادا کرین۔
