اسلام آباد ۔ 28 جولائی (اے پی پی) الیکشن کمیشن پنجاب تے سندھ اچ مختلف خالی نشستاں تے ضمنی انتخابات سانگے پولنگ دی نویں تاریخ دا فیصلہ کیتا ہے ۔ چیف الیکشن کمشنر جسٹس (ر) سردار رضا خان دی صدارت اچ پنجاب تے سندھ اچ ضمنی انتخاب دے حوالے نال اجلاس تھیا جیں اچ کمیشن دے نویں منتخب ممبراں شرکت کیتی۔ اجلاس دے دوران فیصلہ کیتا گیا جو پنجاب تے سندھ دے پنج حلقے اچ ضمنی انتخابات سانگے نویں تاریخ ڈتی ویسی ۔کمیشن اجلاس دے دوران اے وی فیصلہ کیتا جو اجوکے انتخابات اچ منتخب تھیونڑ آلے امید واراں کوں نوٹیفیکیشن جاری کیتے ویسن ۔ایں توں پہلے 16جون کوں چیف الیکشن کمشنر پنجاب تے سندھ دے 5قومی تے صوبائی اسمبلیاں دے حلقے اچ الیکشن کمیشن دے غیر فعال ہوونڑ دی وجہ توں انتخابات ملتوی کر ڈتے ہن ۔انہاں اچ قومی اسمبلی دے حلقہ این اے 63 جہلم، این اے 162 ساہیوال، پنجاب اسمبلی دے حلقہ پی پی 232 وہاڑی، پی پی 240 ڈی جی خان تے سندھ دا حلقہ پی ایس 127 کراچی شامل ہن۔
