لندن ۔ 26 جولائی (اے پی پی)امریکا، برطانیہ تے ایشیااچ سونے دے نرخ اچ گھٹکی تھی ہے جیں دی وجہ توں حصص بازاراں دی صورت حال اتے ڈالر دی شرح اچ اتار چڑھاﺅہے ۔نیویارک مارکیٹ اچ تریجھے پہر دے ویلھے سپاٹ گولڈ دے نرخ اچ 0.2فیصد ڈھنڑ دے بعد 1319.63 ڈالر فی اونس رہیے۔امریکی سونے دے اگست سانگے سودے 3.9 ڈالر (0.29 فیصد) گھٹکی دے بعد 1319.50 ڈالر فی اونس رہیے۔لندن مارکیٹ اچ سپاٹ گولڈدے نرخ 0.7 فیصد ڈھہہ تے 1313.96 ڈالر فی اونس جڈاں جو امریکی سونے دے اگست سانگے سودے 9.90 ڈالرگھٹ تھی تے 1313.50 ڈالر فی اونس رہیے ۔ایشیائی مارکیٹ اچ سپاٹ گولڈ دے نرخ 0.4 فیصد گھٹ تھی تے 1316.16 ڈالر فی اونس جڈاں جو امریکی سونے دے سودے 0.5 فیصد ڈھنڑ دے بعد 1316.20 ڈالر فی اونس رہیے۔
