اسلام آباد ۔ 28 جولائی (اے پی پی) وفاقی وزیر منصوبہ بندی تے ترقی احسن اقبال آکھیا ہے جو اعلیٰ تعلیم دے ودھارے سانگے پاک امریکہ نالج کوری ڈور سنگ میل ثابت تھیسی ،نالج کوریڈور نال اگلے ڈاہ سالاں اچ پورے ملک اچ 10ہزار پی ایچ ڈی سکالر تیار کیتے ویسن ۔وفاقی وزیر آکھیا جو تاریخ ثابت کیتا ہے جو نشیب فراز دے با وجود پاکستان تے امریکہ وچال تعلقات قائم رہیے ۔ماضی اچ پاکستان امریکہ تعلقات سٹریٹجک اتے سیکورٹی شوبیں تئیں محدود رہیے ہن ۔انہاں آکھیا جو اج پاکستان تے امریکہ دے تعلقات جیو اسٹرٹیجک نال جیو اکنامک دے دور اچ داخل تھی گے ہن۔پاکستان پہلا ملک ہے جیں دی پارلیمنٹ پائیدار ترقی دے اہداف کوں حاصل کرنڑ سانگے متفقہ قرارداد منظورکیتی ہے۔انہاں آکھیا جو وژن 2025 پائیدار ترقیاتی اہداف دے حصول سانگے روڈ میپ ڈیندا ہے۔
