اسلام آباد ۔ 27 جولائی (اے پی پی) وفاقی وزیر تجارت انجینئر خرم دستگیر خان آکھے جو اجوکے بجٹ اچ صنعتی خام مال تے ڈیوٹی کوں منصفانہ کیتا گئے ، ملک اچ صنعتاں کوں بجلی دی مسلسل فراہمی، ایل این جی دی درآمد نال گیس دی دستیابی اتے امن و امان دی بتدریج بہتر تھیندی ہوئی صورتحال نال صنعتاں اچ پیداواری سرگرمیاں اچ ودھارا تھینداپئے ، اتے ملک اچ صنعتی خام مال دی مانگ ودھدی پئی ہے ۔خام مال تے ڈیوٹی اچ کمی نال ملک اچ جمود دا شکار چھوٹے صنعتی یونٹاں دی تنصیب اچ ودھارا تھیسی ۔ اے گالہیں انہاں پاکستان اچ سرمایہ کاری کرنڑآلے کورین (Lotte) لاتے گروپ دے ہک وفد نال ملاقات اچ آکھیاں۔ وفد وفاقی وزیر کوں ڈسایا جو انہاں دا گروپ پاکستان اچ ٹیکسٹائل دی صنعت اچ استعمال تھیونڑآلے پولیسٹر اتے ڈوجھے مصنوعی فائبر دی تیاری کیتے کم آونڑآلے کیمیکل ”پی ٹی اے” تیار کریندے ۔ ملک اچ صنعتاں کوں بجلی اتے گیس دی لوڈ شیڈنگ دے خاتمے نال کئی سالیں بعد ایں سہ ماہی اچ پی ٹی اے کیمیکل دی مانگ ایندی پیداوار توں ودھ ویسی ،جیئں پاروں صنعتاں دا 24گھنٹے چالو راہونڑ اتے نویاں صنعتاں دا لگنڑ ہے ۔ انہاں ڈسایا جو ایں سہ ماہی اچ گزریل ڈو ترائے سالیں دے مقابلے اچ طلب اچ 15-20 فیصد ودھارا تھئے ۔ انہاں دا بیا آکھنڑ ہئی جو کمپنی پاکستان اچ پی ٹی اے کیمیکل دی پیداوار کوں چھی لکھ ٹن توں ودھا تے 13 لکھ ٹن تئیں گھن ویسی ، جیہڑا جو خطے اچ سارے ملکیں توں ودھ ہوسی ۔ کورین سرمایہ کاراں دا بیا آکھنڑ ہئی جو کمپنی پاکستان اچ چھی کروڑ ڈالر دی بئی سرمایہ کاری دا ارادہ رکھیندی ہے جیندے نال پاکستان اچ غذائی شعبے اچ بئی بہتری امسی ۔
