اسلام آباد ۔ 27 جولائی (اے پی پی) بلوچستان دے وزیراعلیٰ نواب ثناء اﷲ زہری بدھ کوںاتھاں وفاقی وزیر خزانہ سینیٹر محمد اسحاق ڈار نال ملاقات کیتی اتے آپسی دلچسپی دے معاملیاں تے گالھ مہاڑ کیتی۔وزیر خزانہ صوبہ سانگے ہک متوازن اتے ترقیاتی بجٹ پیش کرنڑ تے وزیرا علیٰ کوں مبارک باد ڈتی۔انہاں آکھیا جو وفاقی حکومت بلوچستان دی معاشی ترقی کوں پہلی ترجیح ڈیندی اے اتے ایں مقصد سانگے صوبائی حکومت نا ل ہر ممکن تعاون کریسی۔وزیراعلیٰ بلوچستان کوں بئے صوبیاں دے برابر گھن آونڑ سانگے معاشی ترقی دی رفتار اچ ودھارے بارے صوبائی حکومت دی کوششاں بارے ڈسایا۔
