حقائق سامنڑیں آونڑ دے بعد عمران خان محترمہ مریم نواز نال معذرت کرن ، اسحاق ڈار

اسلام آباد ۔ 2 جولائی (اے پی پی) وفاقی وزیر خزانہ سینیٹر اسحاق ڈار آکھے جو ہنڑ جڈانجو اصل حقائق سامنڑیں آگئے ہن جو عمران خان دی بھینڑ کوں کہیڑی شخصیت پاروں پریشان کن صورتحال دا سامنڑاں کرنڑاں پئے تاں انہاں کوں اسلامی اتے اخلاقی اقدار کوں سامنڑیں رکھ تے محترمہ مریم نواز توں معذرت کرنڑیں چاہیدی ہے ۔ وزیر خزانہ جمعے کوں لہور اچ تھیونڑ آلے واقعے اتے بعد اچ عمران خان ولوں محترمہ مریم نواز کوں ایں واقعے دا ذمہ دار کھڑاونڑ بارے بیان اتے بہتان لاونڑ کوں یکسر رد کریندے ہوئیں آکھیا جو عمران خان دی اے عموماً عادت ہے جو سُنڑیں سنڑائی گالھ تے تحقیق کیتے بغیر فوراً رد عمل ظاہر کرڈیندے ہن ۔ وزیر خزانہ آکھے جو ہک سیاسی جماعت دے سربراہ دے طو رتے عمران خان کوں ذمہ دارانہ رویہ اپناونڑاں چاہیدے ۔ عمران صاحب کوںمریم نواز توں معذرت کرنڑیں چاہیدی ہے ۔ ایندے اچ انہاں دی وڈائی ہے ۔