ریاض ۔ 24 جولائی (اے پی پی) خادم الحرمین الشریفین شاہ سلمان بن عبدالعزیز آل سعود جرمنی دے شہر میونخ اچ گزریل ڈینھ فائرنگ دے نتیجے اچ ہک درجن دے قریب بندیاں دے ہلاک تھیونڑ دے واقعے دی شدید مذمت کریندے ہوئیں ایں کوں مجرمانہ قرار دتے اتے آکھے جو جرمن حکومت اتے عوام دے نال اساں پوری یکجہتی دا اظہار کریندے ہوئیں ۔ خادم الحرمین الشریفین آپنڑیں پیغام اچ آکھے جو اساں کوں اے سنڑ تے بہوں ڈکھ اتے صدمہ تھئے جو جمہوریہ جرمنی دے سیاحتی شہر میونخ اچ ہک مسلح دہشت گرد نہتے شہریاں تے فائرنگ کرتے بہوں سارے بے گناہ لوکیں کوں قتل کرڈتے ۔
