ریو ڈی جنیرو ۔ 29 جولائی (اے پی پی) آندے مہینے برازیل اچ شیڈول ریو اولمپکس گیمز داکاﺅنٹ ڈاﺅن شروع تھی گیا ہے، میگا گیمز دے شروع اچ 06 ڈینھ باقی رہ گے ہن ، میگا گیمز دے کامیاب انعقاد سانگے تیاریاں عروع تے ہن۔ گیمز 5 توں 21 اگست تئیں منعقد تھیسی جیں اچ 160 توں ودھ ملکاں اچوں 8 ہزار دے نیڑے ایتھلیٹس دی شرکت متوقع ہے اتے ایونٹ اچ شریک مردتے تریمت کھلاڑیاں وچال 28 کھیڈاں دے 306 ایونٹس منعقد تھیسن ۔ برازیل کوں میگا گیمز دے انعقاد اچ سخت چیلنجز دا سامنڑاں ہے اتے ایں ویلھے سیاسی بحران تے وی زور تے ہے۔
