پالے کیلی ۔ 25 جولائی (اے پی پی) سری لنکا اتے آسٹریلیا دیاں کرکٹ ٹیماں وچال ترائے ٹیسٹ میچاں دی سیریز دا پہلا میچ (اج) منگل توں پالے کیلی انٹرنیشنل کرکٹ سٹیڈیم وچ شروع تھیسی۔ آسٹریلوی ٹیم دورے دا آغاز فاتحانہ انداز وچ کیتا ہے اتے ترائے ڈینھاں دے ٹور میچ وچ سری لنکا الیون کوں اننگز اتے 162 اسکوراں توں ہرا ڈتا۔ سری لنکا اتے آسٹریلیا وچال ڈوجھا ٹیسٹ 4 توں 8 اگست تائیں گال انٹرنیشنل سٹیڈیم جڈانجو تریجھا اتے چھیکڑی ٹیسٹ 13 توں 17 اگست تائیں سنہالیز سپورٹس کلب گراﺅنڈ، کولمبو وچ کھیڈیاویسی۔ ڈوہائیں ٹیماں وچال پنج ون ڈے میچاں تے مشتمل سیریز دا پہلا ون ڈے 21 اگست، ڈوجھا 24 اگست، تریجھا 28 اگست، چوتھا 31 اگست جڈانجو پنجواں تے چھیکڑی ون ڈے 4 ستمبر کوں کھیڈیا ویسی۔ دورے وچ شامل پہلا ٹی 20 انٹرنیشنل 6 ستمبر جڈانجو ڈوجھا 9 ستمبر کوں کھیڈیا ویسی۔
