اسلام آباد ۔ 22 جولائی(اے پی پی) چیئرمین سینٹ میاں رضا ربانی سینٹ سیکرٹریٹ کو ں ہدایت کیتی ہے جو سینیٹ دے وفداں دے غیر ملکی دوریں دے دوران حاصل تھیونڑ آلے تحفیں دا ریکارڈ باقاعدہ ویب سائٹ تے جاری کیتا ونجے ۔جمعے کوں ایوان بالا دے اجلاس دے دوران سینیٹر مشاہد حسین سید دے ایں معاملے تے اعتراض دے نکتے تے جواب اچ ریمارکس ڈیندے ہوئیں چیئر مین سینیٹ آکھیا جو سینیٹ دے ارکان تے بئے سرکاری عہدیداراں دے غیر ملکی دورے دے دوران جیرھے وی تحفے انہاں کوں ملدے ہن انہاں دا ریکارڈ سینیٹ دی ویب سائٹ تے جاری کیتا ویسی۔ایں سلسلے اچ انہاں ویب سائٹ تے ریکارڈ جاری کرنڑسانگے سینیٹ سیکر ٹریٹ کوں ہدایات وی جاری کیتیاں ویسن۔
