اسلام آباد ۔ 28 جولائی(اے پی پی) وفاقی وزیر منصوبہ بندی تے ترقی احسن اقبال آکھے جو سی پیک بارے چین نال تھیونڑ آلی جیہڑی مفاہمتی یادداشت تے دستخط تھئے ہن او دستاویزات چیئرمین سینٹ کو ںپیش کرڈتی ویسن ، جنہاں کوں ارکان وی ڈیکھ سگسن۔ سی پیک بارے حکومت کجھ کائنی لکیندی پئی جڈانجو اے ڈو ملکاں وچال معاملہ ہے ایں سانگے دستاویزات کوں عام نہیں کیتا ونج سگدا۔ خمیس کوں ایوان بالا اچ چیئرمین گزریل ڈینھ تھیونڑآلی بحث توں چاتے ونجنڑآلے سوال دی وضاحت کیتے وفاقی وزیر منصوبہ بندی تے ترقی احسن اقبال کوں اظہار خیال کیتے دعوت ڈتی جیندے تے انہاں آکھیا جو سی پیک بارے مفاہمتی یادداشت تے جیہڑے دستخط تھئے ہن اوندے اچ پاکستان ولوں میں دستخط کیتے ہن ۔ اے مفاہمتی یادداشت ہک فریم ورک دا تعین کریندی ہے ۔ جڈاں کہیں منصوبے تے ڈوہائیں ملکاں دا اتفاق تھیسی تاں اوں کوں منظوری کیتے پیش کیتا ویسی ۔
