صدر مملکت ممنون حسین دی انٹرنیشنل ٹیلی کمیونیکیشن یونین دے سیکریٹری جنرل ہولین ژائو نال گالھ مہاڑ

اسلام آباد ۔ 19 جولائی (اے پی پی) صدر مملکت ممنون حسین آکھیا جو حکومت ‘ جامع ٹیلی کمیونیکیشن پالیسی 2015ء وضع کیتی اے، ایں نال سماجی تے اقتصادی ترقی کوں ودھارا ملسی اتے علم تے مبنی معاشرے دے حصول اچ معاون کردار ادا کریسی۔اے گالھ انہاں نٹرنیشنل ٹیلی کمیونیکیشن یونین دے سیکریٹری جنرل ہولین ژائو نال گالھ مہاڑ کریندیں ہوئیں آکھی جنہاں منگل کوں ایوان صدر اچ آپنڑے وفد دے رلے انہاں نال ملاقات کیتی۔ وزیر مملکت انفارمیشن ٹیکنالوجی انوشہ رحمان وی ایں موقع تے موجود ہن ۔صدر ممنون حسین آکھیا جو پاکستان 1947ء توں آئی ٹی یو دا رکن اے اتے ایں تنظیم دی سرگرمیاں اچ فعال کردار نبھائے ۔