اسلام آباد ۔ 27 جولائی (اے پی پی) صدر پاکستان مسلم لیگ (ن) وزیراعظم محمد نواز شریف دی زیر صدارت آزاد کشمیر قانون ساز اسمبلی اچ پارلیمانی پارٹی دے اجلاس اچ مسلم لیگ (ن) آزاد کشمیر دے صدر راجہ فاروق حیدر خان کو ںآئندہ وزیراعظم نامزد کرڈتا گیا۔ پارلیمانی پارٹی دا اجلاس بدھ کوں وزیراعظم ہاﺅس اچ محمد نواز شریف دی صدارت اچ منعقد تھیا جیں اچ وفاقی وزراءچوہدری نثار علی خان، چوہدری محمد برجیس طاہر، وزیراعظم دے معاون خصوصی ڈاکٹر آصف کرمانی، مسلم لیگ (ن) دے مرکزی رہنما راجہ ظفر الحق، سابق وزیراعلیٰ خیبر پختونخوا سردار مہتاب احمد خان، مسلم لیگ (ن) دے مرکزی نائب صدر تے آزاد کشمیر دے سابق وزیراعظم سردار سکندر حیات خان دے علاوہ آزاد کشمیر قانون ساز اسمبلی دے نویںمنتخب ارکاناں شرکت کیتی۔ ایں موقع تے آزاد کشمیر دے آئندہ وزیراعظم دے طورتے راجہ فاروق حیدر خان کوں نامزدکیتا گیا۔ واضح رہے جو 21 جولائی کوں تھیونڑ آلے آزاد کشمیر دے عام انتخابات اچ مسلم لیگ (ن) 41 نشستاں اچوں 31 نشستاں حاصل کیتیاں جڈاں جو ہک نشست انہاں دی اتحادی جماعت جموں کشمیر پیپلز پارٹی حاصل کیتی۔ مسلم لیگ (ن) کوں آزاد کشمیر اچ ودھ ساری اکثریت ملی ۔
