اسلام آباد ۔ 20 جولائی (اے پی پی) سپیکر قومی اسمبلی سردار ایاز صادق آکھیا ہے جو مقبوضہ کشمیر اچ بے گناہ کشمیریاں تے بھارتی ظلم دا عالمی برادری کوں نوٹس گھننڑاں چاہیدے ۔انہاں آکھیا جو ویلھا آگے جو کشمیر دا مسئلہ اقوام متحدہ دیاں قرارداداں تے کشمیری عوام دیاں امنگاں دے مطابق حل کیتا ونجے ۔بدھ کوں کشمیری عوام دے نال یکجہتی دے طور تے منائے ونجنڑ آلے کالے ڈینھ دے موقع تے لندن اچ ٹیلی فون تے اے پی پی نال گالھ مہاڑ کریندے ہوئیں سپیکر قومی اسمبلی سردار ایاز صادق آکھیا جو انہاں وی اتھاں لندن اچ اپنڑی بانہہ تے کالی پٹی بدھ تے کشمیریا ں تے ظلم دے خلاف احتجاج اچ حصہ گھدا ہے انہاں آکھیا جو بھارتی فورسز کشمیر عوم تے ظلم دی انہتا کر ڈتی ہے ۔کشمیریاں کوں حق ہے جو او اپنڑے مستقبل دا فیصلہ کر سگدے ہن ،مقبوضہ کشمیر دے حوالے نال اقوام متحدہ دیاں قرارداداں موجود ہن جنہاں دی روشنی اچ کشمیر عوام کوں حق خود ارادیت ملنڑی چاہیدی ہے ۔انہاں عالمی برادری تے زو ر ڈتا جو ویلھا آگیا ہے جو کشمیری عوام تے بھارتی ظلم دا اقوام متحدہ سمیت ساری عالمی برادری کوں سخت نوٹس گھننڑاں چاہیدا ہے ۔
