اقوام متحدہ ۔ 12 جولائی (اے پی پی) اقوام متحدہ دے سیکرٹری جنرل بان کی مون آکھیا اے جو مقبوضہ کشمیر وچ سارے فریق ودھ توں ودھ تحمل دا مظاہرہ کرین اتے کشیدہ صورتحال تے قابو کرنڑ سانگے پرامن ذرائع دا استعمال کرین۔ سیکریٹری جنرل دے ترجمان ولوںجاری بیان وچ ڈسایا گئے جو عالمی ادارے دے سربراہ کشمیر وچ جھڑپاں نال پیدا تھیونڑ آلی صورتحال تے نظر رکھے ہوئے ہن ۔ انہاں مقبوضہ کشمیر وچ درجناں بندیاں دے مارے ونجنڑ اتے متعدد دے زخمی تھیونڑ کوں افسوس ناک قرار ڈتا ہے۔ انہاں تشدد کوںروکنڑ سانگے سارے فریقاں نال سے ودھ توں ودھ تحمل دا مظاہرہ کرنڑ دی اپیل کیتی ہے۔ این توں پہلے بان کی مون دے ترجمان سٹیفن دو جارک صحافیاں کوں ہک سوال دے جواب وچ ڈسایا جو بان کی مون مقبوضہ کشمیر وچ کشیدگی وچ ودھارے تے تشویش دااظہار کیتا ہے ۔ مقبوضہ کشمیر وچ حالیہ کجھ ڈینھاں وچ پیش آونڑ آلے پرتشدد واقعات وچ بھارتی فوج دی فائرنگ نال گھٹ توںگھٹ 30 کشمیری شہید اتے 200 توںودھ زخمی تھی گئے ہن۔
