ملتان۔20 جولائی(اے پی پی )سارے ملک آلی کار ملتان اچ وی وفاقی حکومت دے آکھنڑ تے ملتان اچ وی مقبوضہ کشمیراچ بھارتی مظالم دے خلاف یوم سیاہ منایاگئے۔ایں موقعے تے مسلم لیگ ن ،جماعت اسلامی سمیت مختلف سیاسی جماعتاں کشمیری عوام دے نال اظہاریکجہتی کیتے ریلیاں کڈھیاں اتے مظاہرے کیتے ۔ مسلم لیگ ن دے ولوں چوک کچہری اچ احتجاجی مظاہرہ کیتاگیاجیندی قیادت مسلم لیگ ن ضلع ملتان دے صدربلال بٹ کیتی ۔ مظاہرے اچ مسلم لیگی کارکناں اتے شہریاں دی وڈی تعدادشرکت کیتی۔ایں موقعے تے مظاہرین کالے جھنڈے چاتے ہوئے ہن اتے باہیں تے کالیاں پٹیاں وی بدھیاں ہویاں ہن ۔ مظاہرین نال الیندے ہوئیں بلال بٹ آکھیا جو مسلم لیگ دی حکومت ہمیشہ توں عالمی سطح تے مسئلہ کشمیرکوں چیندی رہی ہے ،اساں کہیں وی خوف توں بغیرکشمیریاں دا مقدمہ لڑدے راہسوں۔
