ملتان۔20 جولائی(اے پی پی )بورڈآف انٹرمیڈیٹ اینڈسیکنڈری ایجوکیشن ملتان میٹرک دے سالانہ امتحانات 2016دے نتیجے دا اعلان کرڈتے ۔ گزٹ نوٹیفیکیشن دے مطابق سائنس گروپ اچ چھوراں اچوں سیف الرحمن رولنمبر175581نے 1085نمبرحاصل کرتے پہلی پوزیشن ،محمدحذیفہ رولنمبر173394نے 1084نمبرحاصل کرتے ڈوجھی اتے محمدشہزاد رولنمبر155592نے 1080نمبرحاصل کرتے تریجھی پوزیشن حاصل کیتی ۔سائنس گروپ چھوریں اچ مریم شوکت رولنمبر126193نے 1084نمبرحاصل کرتے پہلی خوش بخت رولنمبر159251اتے عریدہ احمدرولنمبر159220نے1083نمبر حاصل کرتے ڈوجھی اتے امت الصبور رولنمبر138052اتے مریم خان رولنمبر161147نے 1081نمبرحاصل کرتے تریجھی پوزیشن حاصل کیتی۔آرٹس گروپ اچ حافظ تسلیم شاہدرولنمبر208311نے 1045نمبرحاصل کرتے پہلی ،فاطمہ رولنمبر223006نے 1042نمبرحاصل کرتے ڈوجھی اتے شہربانورولنمبر222467نے1041نمبرحاصل کرتے تریجھی پوزیشن حاصل کیتی ۔تقریب اچ خصوصی تعلیم دے صوبائی وزیرآصف سعیدمنہیس پوزیشنیں حاصل کرنڑآلیاں طالبعلماں اچ انعامات تقسیم کیتے ۔ایں موقعے تے الیندے ہوئیں انہاں آکھیا جو پنجاب حکومت تعلیم دے شعبے تے خصوصی توجہ ڈیندی پئی ہے ۔ انہاں آکھیا جو پوزیشن ہولڈرزکوںغیرملکی دوریاں تے بھیجنڑاں وزیراعلیٰ پنجاب شہبازشریف دا ایسااقدام ہے جئیں پاروں نینگراں دی حوصلہ افزائی تھیندی پئی ہے ۔ انہاںآکھیا جو امتحانات کوںشفاف رکھنڑ اتے ناجائزذرائع دے استعمال دی روک تھام کیتے سخت اقدامات کیتے ویندے پئے ہن ۔ چیئرمین بورڈ ریاض ہاشمی آکھیا جو پرچیاں دی چیکنگ دے دوران بہوں ساری احتیاط نال کم گھداگئے اتے خاص طور تے پوزیشن ہولڈرزدے پرچے پنج پنج واری چیک کیتے گئے ہن تانجو کہیں وی غلطی دی گنجائش نہ راہوے ۔ امتحان اچ 100162امیدواراںاچوں 73350امیدوارکامیاب قرارڈتے گئے ہن ۔ ایں طرح کامیابی دی شرح 73.23فیصدرہی ۔نوٹیفیکیشن دے مطابق 10461طالبعلماں اے پلس 11686امیدواراں اے گریڈ،17227امیدواراں سی گریڈ،21420امیدواراں بی گریڈ12092امیدواراںڈی اتے 444امیدواروںای گریڈحاصل کیتے ۔38طالبعلم کئی وی گریڈحاصل کائنی کرسگے ۔
