اسلام آباد ۔ یکم جولائی (اے پی پی)وفاقی وزیر خزانہ اسحاق ڈارآکھیا ہے جو موجودہ حکومت دے دوراچ محصولات دی وصولی اچ 60فیصد دا ریکارڈ ودھاراتھیا ہے،30 جون کوں گزریل مالی سال دا ٹیکس وصولی 3104ارب روپے دا ہدف حاصل کرگھدا گے۔غیر ملکی زر مبادلہ دے ذخیرے وی 23ارب ڈالر تئیں ودھ گے ہن ۔جمعے کوں صحافیاں نال گالھ مہاڑ کریندے ہوئیں انہاں آکھیا جو جو 2013اچ محصولات دی وصولی 1946ارب ہئی تے موجودہ حکومت اقتدار اچ آئی تاں تاں ٹیکس وصولیاں ودھاونڑ سانگے پکے اقدا مات کیتے 2015-16سانگے 3104ارب روپے دا ہدف مقرر کیتا گیا ہا۔ ایف بی آر اتے بئے متعلقہ محکمے دیاں ودھاں ساریاں کوششاں نال 30جون تئیں ہدف پورا کر گھدا گیا ہے ۔انہاںآکھیا جو صوبیں دے ترقیاتی بجٹ اچ وی 700ارب روپے داودھارا تھیا ہے تے 1200ارب توں ودھا تے 1900ارب تئیں پج گیا ہے انہاں آکھیا جو واضح کر ڈیونڑ چاہندے ہن جو ملک دے قرضے اچ کوئی ودھارا کائناں تھیسی ۔ انہاںآکھیا جو فروری 2014ءاچ سٹیٹ بینک دے غیر ملکی زرمبادلہ دے ذخیرے 2ارب 80کروڑ ڈالر ہن جیرھے جو 30جون 2016ءکوں 18ارب ڈالر توں ودھ گے ہن ۔ کمرشل بینکاں ڈے ایں ویلھے 4ارب 90کروڑ ڈالردے زرمبادلہ دے ذخیرے ہن ۔ٹیکس وصولی تے غیر ملکی زرمبادلہ دے ذخیرے اچ ریکارڈودھارے تے پوری قوم وزیر اعظم نواز شریف ، ایف بی آر حکام تے بیاں متعلقہ وزا رتاں تے محکمے مبارخ باد دے مستحق ہن ۔
