ورسسٹر شائر اتے پاکستان وچال ڈو ڈینھ وارم اپ میچ (اج) شروع تھیسی

ورسسٹر شائر۔ 28 جولائی (اے پی پی ) ورسسٹر شائر تے پاکستان دی ٹیم وچال ڈو ڈینھ وارم اپ میچ اج جمعے کوں کائونٹی گرائونڈ ، نیو روڈ، ورسسٹر شائر اچ شروع تھیسی۔ پاکستان تے انگلینڈ دی ٹیم وچال تریجھا ٹیسٹ کرکرٹ میچ ترائے اگست توں برمنگھم اچ شروع تھیسی ۔ایں توں پہلے ڈوہیں ٹیماں وچال جاری ٹیسٹ سیریز 1-1توں برابر ہے ۔ایندے بعد پنج ون ڈے میچاں دی سیریز دا پہلا میچ 24اگست کوں سائوتھ تھمپٹن اچ کھیڈیا ویسی ،ڈوجھا ون ڈے میچ 27اگست کوں لارڈز اچ کھیڈیا ویسی ،تریجھا ون ڈے میچ 30اگست کوں نوٹنگھم اچ کھیڈیا ویسی ۔ون ڈے میچ یکم ستمبر کوں ہیڈ نگلے اچ کھیڈیا ویسی جڈاں جو پنجواں میچ تے چھیکڑی ون ڈے 4ستمبر کوں کارڈف اچ کھیڈیا ویسی ۔سیریز دا ہک ٹی ٹونٹی میچ 7ستمبر کوں مانچسٹر اچ کھیڈیا ویسی ۔