وزارت فوڈ سکیورٹی بیماریاں نال نبڑنڑ سانگے کساناں دی فوری مدد سانگے کوئیک رسپانس سسٹم قائم کریسی،وفاقی وزیر منصوبہ بندی تے ترقی احسن اقبال دی ہدایت

اسلام آباد ۔ 26 جولائی (اے پی پی) وفاقی وزیر منصوبہ بندی تے ترقی احسن اقبال ہدایت جاری کریندیں ہوئیں آکھیا جو وزارت فوڈ سکیورٹی بیماریاں نال نبڑنڑ سانگے کساناں دی فوری مدد سانگے کوئیک رسپانس سسٹم قائم کرے تانجو کپاہ دی فصل تے حملہ کرنڑ آلی بیماریاں نال نبڑنڑ سانگے کساناں دی فوری مدد گھدی ونج سگے۔احسن اقبال آکھیا جو زراعت اتے ٹیکسٹائل دی صنعتاں پاکستان دی اقتصادی ترقی اچ اہم کردار نبھا سگدن ۔انہاں آکھیا جو زراعت پاکستان اکنامی اچ ریڈھ دی ہڈی دی حیثیت رکھیندی اے اتے کپاہ دی فصل اچ فی ایکڑ گھٹکی ہک سنجیدہ مسئلہ اے جئیں کوں جلدی حل کرنڑ دی لوڑھ اے۔اے گالھیں انہاں پلاننگ کمیشن اچ پاکستان اچ کپاہ فی فصل اچ بحران تے غور کرنڑ سانگے ہک اجلاس نال گالھ مہاڑ کریندیں ہوئیں آکھی۔