وزیراعظم محمد نواز شریف دی فرانس دے شہر نیس وچ دہشت گردی دے حملے دی پرزور مذمت پاکستان دی حکومت اتے عوام المیے دی ایں گھڑی وچ فرانس دی حکومت اتے عوام نال مکمل یکجہتی دا اظہار کریندے ہن ہیں،پاکستان دہشت گردی دی ہر کارروائی دے خلاف پختہ عزم رکھیندا ہے،وزیراعظم محمد نواز شریف

اسلام آباد ۔ 15 جولائی (اے پی پی) وزیراعظم محمد نواز شریف فرانس دے شہر نیس وچ دہشت گردی دے حملے دی پرزور مذمت کیتی ہے جیندے وچ متعدد بندے ہلاک اتے زخمی تھئے۔ وزیراعظم آفس ولوں جمعہ کوں اتھوںجاری ہک بیان مطابق وزیراعظم آکھیا اے جو اساڈے دل اتے دعاواںحملے دے متاثرین اتے انہاں دے خانداناں دے نال ہن ۔ وزیراعظم حملے وچ زخمی بندیاں دی وختی صحت یابی سانگے نیک تمناواں دا اظہار کیتا۔ وزیراعظم محمد نواز شریف آکھیا جو پاکستان دی حکومت اتے عوام کوں حملے دا بہوں ڈکھ تھیا اتے اوہ المیے دی ایں گھڑی وچ فرانس دی حکومت اتے عوام نال مکمل یکجہتی دا اظہار کریندے ہن ۔انہاں آکھیا جو دہشت گردی دے خلاف جنگ وچ صف اول دی ریاست دی حیثیت نال پاکستان خود وی بہوں متاثر تھیا ہے اتے پاکستان ایجھے کئی سانحات دا سامنڑاںکیتاہے اساں ایں نازک گھڑی وچ فرانسیسی عوام دے ڈکھ درد کوں محسوس کر سگدوں ۔وزیراعظم نواز شریف ہر قسم دی دہشت گردی دی مذمت دا اعادہ کریندے ہوئیں آکھیا جو پاکستان دہشت گردی دی ہر کارروائی دے خلاف پختہ عزم رکھینداہے ‘خواہ ایندا ارتکاب کہیں ولوں وی کیتا گیا ہوئے۔