وزیراعظم محمد نواز شریف چترال اچ شدید بارشاں اتے سیلاب پاروں تھیونڑآلے جانی اتے مالی نقصان تے ودھ سارے ڈکھ اتے افسوس دا اظہار

اسلام آباد ۔ 03 جولائی (اے پی پی)وزیراعظم محمد نواز شریف چترال اچ شدید بارشاں اتے سیلاب پاروں تھیونڑآلے جانی اتے مالی نقصان تے ودھ سارے ڈکھ اتے افسوس دا اظہار کیتے ۔ چھنڑ چھنڑ دی شام چترال دے علاقے عرسون اچ طوفانی بارش اتے سیلاب پاروں ہک مسیت جیندے اچ لوک نماز ادا کریندے پئے ہن اتے ودھ سارے مکان لُڑھ گئے ہن ۔ اتوار کوں وزیر اعظم ہاوس ولوں جاری کیتے گئے پریس ریلز دے مطابق وزیر اعظم دعا کیتی ہے جو اللہ سائیں جاں بحق تھیونڑآلیاں کوں جنت الفردوس اچ ڈیووے اتے متاثرہ ٹبراں کوں اے ناقابل تلافی نقصان برداشت کرنڑ دا حوصلہ ڈیووے ۔ انہاں نیشنل ڈیزاسٹر مینجمنٹ اتھارٹی اتے بیاں وفاقی ریسکو اینڈ ریلف اداریاں کوں ہدایت کیتی ہے جو سیلاب اچ پھسے اتے لُڑھ ونجنڑ آلے لوکیں دی تلاش کیتے متاثرہ علاقیاں اچ امدادی کاروائیاں تیز کیتیاں ونجن۔ تانجو ضرورت مند لوکیں کوں فوری امداد ڈتی ونج سگے ۔ وزیر اعظم چترال اچ سیلاب دی صورت حال بارے انہاں کوں آگاہ رکھنڑ دی وی ہدایت کیتی ہے ۔