اسلام آباد ۔ 27 جولائی (اے پی پی) وزیراعظم محمد نواز شریف وزیر اعظم محمد نواز شریف دا کشمیریاں دے حق خودارادیت سانگے پاکستان دی اخلاقی اتے سفارتی سطح تے تائید تے حمایت جاری رکھنڑدا عزم دا اعادہ کریندیں ہوئیں آکھیا جو اساڈے دل مقبوضہ کشمیر دے بھینڑیں بھراواں نال دھڑکدن ،مسئلہ کشمیر اقوام متحدہ دا نا مکمل ایجنڈا اے،پاکستان آپنڑے بھراواں دے حق خود ارادیت کوں بین الاقوامی سطح دے ہر فورم تے چیسی،آزاد کشمیر دی نو منتخب حکومت کوں اداریاں دی مضبوطی،شفاف اتے کرپشن توں پاک میرٹ تے مبنی نظام حکمرانی یقینی بنڑاونڑاں چاہیدا اے،آزاد کشمیر اچ ایماندار اتے قابل کابینہ دی تشکیل ضروری اے۔انہاں اے گالھ بدھ کوں اتھاں آزاد جموں تے کشمیر دے نویں بنڑنڑ آلے ارکان قانون ساز اسمبلی نال وزیر اعظم ہائوس اچ ملاقات اچ کریندیں ہوئیں آکھی جئیں اچ سارے کامیاب کشمیری پارلیمنٹیرینز،سینیٹ اچ قائد ایوان راجہ محمد ظفر الحق، وزیر دفاع خواجہ محمد آصف، وزیر خزانہ محمد اسحاق ڈار، وزیر داخلہ چوہدری نثار علی خان، وزیر اطلاعات و نشریات سینیٹر پرویز رشید، وزیر ریلوے خواجہ سعد رفیق، وزیر امور کشمیر و گلگت بلتستان محمد برجیس طاہر اتے وزیراعظم دے معاون خصوصی برائے سیاسی امور ڈاکٹر آصف کرمانی شریک تھیے۔وزیر اعظم نویں بنڑنڑ آلے ارکان کوں انتخابات اچ کامیابی تے مبارک ڈتی اتے انہاں دی محنت اتے سیاسی جدوجہد کوں خراج تحسین پیش کیتا۔
