اسلام آباد ۔ 31 جولائی (اے پی پی)وزیر اعظم محمد نواز شریف راجہ فاروق حیدر کوں آزاد جموں و کشمیر دا وزیر اعظم منتخب تھیونڑ تے مبارخ ڈتی ہے ۔ وزیر اعظم ہائوس توں جاری بیان دے مطابق انہاں ایں توقع اتے اعتماد دا اظہار کیتے جو آزاد کشمیر دے نویں وزیر اعظم آزاد کشمیر دے لوکیں دی ترقی اتے خوشحالی کیتے کم کریسن اتے مقبوضہ کشمیر دے عوام دے حق خودآرادی دی جدوجہد اچ انہاں دی مدد کریسن۔ اتوار کوں اپنڑیں بیان اچ وزیر اعظم محمد نواز شریف یقین ڈیوایا جو آزاد کشمیر دے نویں منتخب وزیر اعظم آزاد کشمیر اچ وفاقی حکومت دے ترقی اتے اصلاحات دے ایجنڈے تے عملدرآمد کوں یقینی بنڑاونڑ اچ بھر پور مدد کریسن۔
