لاہور۔15 جولائی(اے پی پی )گورنر پنجاب ملک محمد رفیق رجوانہ جمعہ کوں وزیر اعظم محمد نواز شریف نال گورنر ہاﺅس لاہور وچ ملاقات کیتی۔ گورنر پنجاب وزیر اعظم کوں جنوبی پنجاب وچ جاری ترقیاتی منصوبیاں دے حوالے نال پیش رفت بارے وچ آگاہ کیتا۔ وزیر اعظم گورنر پنجاب کوں ہدیت کیتی جو جنوبی پنجاب وچ تعمیرتے ترقی کوں ترجیحات وچ شامل کیتا ونجے اتے اتھاں بنیادی مسائل خصوصاً پانڑیں دی فراہمی اتے پانڑیںدی نکاسی دے حوالے نال عملی اقدامات کیتے ونجنڑ۔ ملاقات وچ وزیر اعظم کوں پنجاب وچ یونیورسٹیاں دی کارکردگی بارے وچ وی آگاہ کیتا گیا۔ وزیر اعظم محمد نواز شریف آکھیا جو وائس چانسلرز جامعات وچ معیاری تعلیم دی چنگائی سانگے اقدامات کرین۔
