لاہور۔20 جولائی(اے پی پی )وزیراعلیٰ پنجاب محمد شہباز شریف جنوبی پنجاب دے معروف شاعر محمد شفیع شاکر شجاع آبادی سانگے 6لکھ روپے مالی امداد دی منظوری ڈے ڈتی اے۔معروف سرائیکی شاعر جگر دے مرض اچ مبتلا ہن اتے انہاں آپنڑے خرچے سانگے مالی امداد اتے علاج معالجے سانگے وزیر اعلیٰ پنجاب محمد شہباز شریف کوں درخواست کیتی ہئی ،جئیں تے وزیر اعلیٰ انہاں سانگے مالی امداد دی منظوری ڈتی۔اے رقم ہک اکائونٹ اچ رکھی ویسی اتے انہاں دی ماہانہ آمدن شاعر محمد شفیع شاکر شجاع آبادی کوں ملسی جئیں نال او آپنڑے خرچے پورے کر سگسن۔وزیر اعلیٰ پنجاب دی ہدایت تے شاعر شاکر شجاع آبادی دے علاج سانگے وی سپیشل میڈیکل بورڈ وی بنڑا ڈتا گئے اتے پنجاب حکومت محمد شاکر شجاع آبادی دے علاج معالجے دے سارے خرچے برداشت کریندی پئی اے۔وزیر اعلیٰ شہباز شریف آکھیا جو جنوبی پنجاب توں تعلق رکھنڑ آلیت محمد شفیع شاکر شجاع آبادی سرائیکی زبان دے وڈے شاعر ہن ۔اتھاں اے گالھ ذکر دے قابل اے جو محمد شفیع شاکر شجاع آبادی دا تعلق بستی خیر آبادمحلہ غریب آبادراجہ رام تحصیل شجاع آباد ضلع ملتان توں اے۔
